182

REGISTRES DU BUREAU

[1570]

CCCXXIII [X]. — Ru de Bievre.

26 août 1570. (A,

Du xxvi^c jour d'Aoust'¹'.

"Sur la remonstrance faicte par le Procureur du Roy et de la Ville, joinct avec les manans et habi-lans du quartier et rue Sainct Victor près Sainct Nicollas du Chardonneret en ceste ville de Paris, de l'incommodité, peril et danger de peste, et aultres maladies contagieuses, que peult apporter ausd, habitans l'exhalation et puanteur qui provient d'ung esgout ou canal voulté qui est en lad. rue, appartenant à lad. Ville, à cause que aucuns particulliers qui ont les maisons au dessus dud. canal ont faict percer les voultes d'icelluy canal, pour y faire entrer et descendre leurs immondices, retraietz et latrines, contrevenans aux lettres patentes du Roy, sentence et arrestz de la Court sur ce donnez ; après que aulcuns des Eschevins de lad. Ville, appellez avec eulx les maistres jurez et expertz ad ce depputez, se sont transportez sur les lieulx, et oyz aulcuns des apparens desd, habitans;

"Avons dict et ordonné, disons et ordonnons que commandement sera faict à chascun des proprietaires ou locataires, demeurans ès maisons assizes suret au long dud. canal, d'abattre et desmollir les sieges à privez qui ont esté erigez en et sur led. canal, reparer les voultes et ouvertures, de maniere que la voulte n'en soit empiree, et que à l'advenir il n'y puisse plus rien entrer, et ce à leurs propres coustz et despens dans quinzaine après ensuivant, avec deffences de n'en ériger aulcuns par cy après, sur peine, pour la premiere foys, de cent livres parisis d'amende, applicable moictié aux pauvres de l'Hostel Dieu, moictié pour les reparations de ladicte Ville; et pour la deuxiesme de prison. Et oultre, seront adjournez par devant nous ceulx qui se trouverront avoir érigé lesd, sieges et faict percer et ouvrir lesd, voultes sur ledict canal, et sur icelluy faict ou faict faire lesd, descentes, retraietz et latrines, pour eulx veoir condempner .aux fraiz ou partie d'iceulx, qui conviendra faire pour purger, nettoyer et vuidanger led. canal, chascun en droict soy, attendu qu'il est remply des ordures et immondices y descendues de leurs maisons, et ce par leur faulte et enlreprinse.

"Et à faulte de faire par lesd, proprietaires ou

fol. 5 v°; B, fol. 7 v°.)

locataires démolir et abattre lesd, sieges, latrines et reparer lad. voulte, et faire les vuidanges, chascun en droict soy, à leurs despens, dans lad. quinzaine, ordonnons qu'ilz seront abbatuz reaulment et de faict. Et pour ce faire est enjoinct au premier sergent leur faire commandement d'ouvrir leurs maisons, et à faulte de ce faire, que ouverture sera faicte reaulment et de faict, en la presence de nous et du Procureur du Roy et de la Ville, pour y mectre maçons et ouvriers et faire faire ladicte démolition et reparation et vuidanges, aux despens desd, proprietaires; avec lesquelz ouvriers et maçons et vuidangeurs sera convenu de pris et somme pour laquelle seront executez ceulx qui seront demourans èsd. maisons, ensemble pour les vidanges qui sont aud. canal, chascun en droict soy, qu'ilz seront tenuz aussi faire à leurs despens, et s'ilz sont locataires, leurs recours reservez sur les proprietaires par retention du louage de la maison et aultrement, ainsi que de raison.

"Aussi est enjoinct aux bouchers de la boucherie de Saincte Geneviefve de rellever leurs tnries et faire en façon que le sang des bestes ne descoulent aud.canal, et ce sur peine d'amende comme dessus. Aussi que deffences seront faictes à tous boueurs et aultres personnes quelzconques de gecter ou faire gecter et descouler aulcunes boues et ordures, ou aultres immondices en et au dedans led. canal. Et enjoinct au boueur dud. quartier de nectoyer de deux jours en deux jours au devant icelluy canal, et ce sur peyne de prison et amende arbitraire, nonobstant oppositions ou appellations quelzconques et sans prejudice d'icelles, attendu qu'il est question du faict de pollice, et de peril et danger de peste, et mortallité eminante. El à ce que personne n'en prétende cause d'ignorance, sera la presente, sentence publiée, tant audict quartier que à la place Maubert et aux boucheries Saincte Geneviefve, mise et affichée à ung tableau au dessus d'icelluy canal''²'.

"Faict au Bureau de la Ville, le xxvi^me jour d'Aoust mil v^c soixante et dix'³'.n

Ainsi signé : "Marcel, Bouquet, Dauvergne et Poulin, s^r de Cressé».

M Cette date est empruntée au Registre B ; elle manque dans A.

1-' L'acte se termine ici dans B.

'-' Une copie collationnée, signée de B. Heverard, et un exemplaire imprimé de celte sentence du Bureau de la Ville sont con-